Hi Nwa Hi Kolwa Giredi 12 Mbita ya Mudyondzi

HI NWA HI KOLWA GIREDI 12 i buku leyintshwa yo letela vadyondzi va Giredi 12, leyi simekiweke ehenhla ka Xitatimende xa Pholisi ya Kharikhulamu na Makambelelo (XIPHOKHAMA) eka Xiyimo xa Dyondzo ya Vuleteri byo Yisa Emahlweni Tigiredi ta 10-12.
Nongonoko wa tibuku ta Hi Nwa Hi Kolwa wu avanyisiwile hi tibuku timbirhi ku nga: Mbita ya
Mudyondzi na Xihlovo xa Mudyondzisi. Mbita ya Mudyondzi Yi na tidyondzo leti ti endlaka leswaku mudyondzi a nwa dyondzo a kolwa. Yi aka ehenhla ka vutivi bya mudyondzi bya khale. Buku leyi yi andlariwile hi ndlela yo olova swinene ku endlela leswaku mudyondzi a mama Xitsonga a kondza a kolwa hakunene. Xihlovo xa Mudyondzisi I buku leyi Mudyondzisi a kelelaka dyondzo eka yona a yi chela embiteni ya Mudyondzi leswaku a nga omelwi. Hi tlhelo ra Makambelelo, ku kombisiwile na tinxaka to hambana ta wona. Xihlovo lexi xa Mudyondzisi xi na xikombiso xa hlela switshuriwa.