Ons klein en silwerige planeet Afrikaanse, Nederlandse en Vlaamse gedigte oor die omgewing

Die mens se kommer oor die omgewing is een van die dominante temas van die laaste dekades van die twintigste eeu. In die Weste (en in Europa) het omgewingsbewustheid wyd posgevat en selfs ‘n modeverskynsel geword. Ofskoon daar in breë verband nog nie genoeg begrip vir die mens se bydrae tot die krisis en sy reaksie op die globale veranderinge is nie, geniet hierdie kwessies toenemend aandag in die kunste. Ook in die letterkunde kan die ‘groen gesprek’ as ‘n belangrike groeipunt beskou word.