Rintiho Rin’we a ri nusi hove

Novhele leyi yi kongomisiwe ehenhla ka Susan Mkhombo na Phinias Machavi lava va nga swimunhuhuatwankulu. Susan a tshama ni mhani wa yena endzhaku ka rifu ra tata wa yena. Susan u ve a biha emirini loko a ha nghena exikolweni xa sekondari, kambe jaha ra kona ri ve ri n’wi tshika.
U ve a dyondzela ntirho wa vuongori kutani a tekana na Phinias Machavi loyi a ri mudyondzisi. Phinias a nga swi tivi leswaku Susan u na n’wana na wanuna un’wana hikwalaho kova Susan a swi endle swa xihundla.
Loko Phinias a ya swi kuma leswaku Susan u ni n’wana swi n’wi tseme nhlana swinene, a hlundzuka swinene kutani a sungula ku rhukana Susan. Susan u kale a ringeta ku tidlaya hi ku nwa maphilisi yo tala ku hundza mpimo, laha a nga va a yisiwa exibedhlele xa Rob Ferreira ku ya tshunguriwa. Phinias na Susan va hetelele hi ku rivalelena kutani va titshamela hi ku tsaka.