Swa Rivala a Swi Orhi Ndzilo

Swimunhuhatwankulu eka Novhele i Nkhinkhinini
na Ruth lava a va rhandzana swinene. Va cate mucato
wa xiyimo xa le henhla swinene lowu vanhu a va wu
nyike risiva ra ndzhangelo eka micato ya lembe rero.
Nkhinkhinini a ri phorisa kasi Ruth a ri soxaliweka hi
ntirho. A va rhandzana swinene hikwalaho a ku ri hava
na munhu na un’we loyi a ta anakanya leswaku va nga
tshuka va hambanile siku rin’wana. Hambi swi ri tano,
ku sungule ku va ni timholovo eka vukati bya vona loko
Nkhinkhinini a sungula ku rhandzana ni sesi wa Ruth ku
nga Mthavini exihundleni.
Hikwalaho ka nhlundzuko Ruth a paka tibege ta yena a
ku wa famba kambe vatswari va yena va n’wi arisa.
Marito lawa, “Swa rivala a swi orhi ndzilo”, ya vula
leswaku a swi nga languteriwangi leswaku swi nga tshuka
swi endlekile leswaku vukati bya vona byi nyekanyeka,
ku ya hi leswi a va rhandzanisa swona.